【 ‪世界各地校服‬ 】俄羅斯嘅校服似女僕服?!

1127

嚟9月1開學啦,其實小廢青年都畢咗業,就算開學都唔關我事,但係校服呢個話題就幾時都咁吸引人,最近小廢青年仲發現咗原來除咗日本水手服之外,仲有好多國家嘅校服都好鬼正!

1  英國

圖片來源:www.countrylife.co.uk
圖片來源:www.countrylife.co.uk

英國校服係世界上最早嘅校服,近年流行嘅牛津鞋、劍橋包、格仔裙等都係英式校服引伸出嚟。早喺16世紀,基督醫院慈善學校採用嘅藍衫、領巾、黃襪就係世界上最早出現嘅校服啦,宜家仲著緊架,已經有成500年歷史。對黃色襪真係好鬼出眾,喺香港著一定俾人恥笑,但喺英國著應該好有優越感。

 

2  中國、朝鮮、古巴

圖片來源:www.fj.xinhuanet.com
圖片來源:www.fj.xinhuanet.com

強國嘅校服嚴格嚟講係運動服,加上紅領巾,有網民就話強國校服係世界上最核突嘅校服,真係唔識欣賞啦。除咗強國之外,好多社會主義國家嘅校服,例如朝鮮、古巴都有紅領巾呢樣源自蘇聯嘅傳統,象徵著社會共產主義、無產階級革命思想。

 

3  日本

圖片來源:art.ifeng.com
圖片來源:art.ifeng.com

日本校服一向都好受大家歡迎,唔少動漫、漫畫、同人誌、AV都會出現著水手服嘅女仔,佢哋條百褶短裙、領帶、蝴蝶結、白色筒襪,仲有運動服同一件頭泳衣,都真係充滿遐想架。

 

4  香港

圖片來源:www.bigpic.co
圖片來源:www.bigpic.co

香港校服款式就多啦,有日本傳入嘅水手服,亦有英國殖民時代遺留落嚟嘅蘇格蘭格仔裙,款式多要以西式為主,如恤衫、領帶、連身裙配皮帶、皮鞋等。不過,香港亦有幾間百年傳統女子中學,例如真光女書院、協恩中學,採用傳統旗袍設計,雖然冇修腰設計,但旁邊嘅開叉設計,已經令毒男們垂涎欲滴啦。男仔校服款式就簡單得多,多數都係恤衫、領帶,下身係1條西褲。

 

5  俄羅斯

圖片來源:www.emaze.com
圖片來源:www.emaze.com

蘇聯時期,男仔校服係深藍色嘅軍服,而女仔就著啡色連身裙,外面披白色圍裙,個頭就紮花邊飾物,成個女僕咁樣,真係好鬼靚!但自1992年起,就開始逐漸廢除校服制度啦。

 

6  美國

圖片來源:www.statisticbrain.com
圖片來源:www.statisticbrain.com

美國一向都崇尚個人主義同民主自由,除咗部份教會學校同私立學校之外,好多公立學校都冇校服。就算有都係鼓勵由學生設計,款式自然令學生buy啲啦,而且比出面啲衫平,學生亦都可以自由決定著唔著校服返學,真係好free架!

 

唔知你又鐘意邊個國家嘅校服呢?定係好似美國咁唔使著校服好啲?小廢青年就認為著校服都幾好吖,唔使日日諗著咩衫,仲有窮拎邊有錢買衫姐!